Hasoru autoridade ANP nian iha Brasília

13-09-2017 09:24

Loron diak maluk leitores,

                 Iha semana kotuk autoridade governu brasileiro nian liu husi Agência Nacional do Petróleo, Gás Natural e Biocombustíveis (ANPkonvida entidades husi parte hotu, tantu husi parte fiskalizasaun ba kombustivel, inisitiva privada (empreza hotu nebe envolve iha asaun kombustivel iha Brazil) no instituisaun peskiza (Universidades hotu, reprezenta husi laboratoriu nebe hau serbisu ba). 

Konteudu husi konvite, atu hare metodu simples ba analise Metanol iha kombustivel hotu (Etanol hidratado, etanol anidro no gasolina).

Tan nee laboratoriu nomeia ami nain tolu atu reprezenta Universidade hotu hodi hare konaba metodu proposta nee iha Brasilia. Iha merkadu ohin loron, iha ona metodu prontu, maibe envolve instrumentu karun no kustu analise nebe as tebes. Tan ne’e parte governu nian hakarak metudu analise nebe simplis, lais no baratu.

Iha reuniaun nia laran, sira defini atu metodu hirak ne’e prontu kedas iha fulan neen (6) nia laran. Iha sesaun reuniaun nian, liu husi vídeo conferencia, konekta entidades husi estadu tolu mak husi parte Rio de Janeiro, São Paulo no Brasília.

Saida mak metanol?

Metanol ho nia formula kimika CH3OH, ne’e likidu toxiku tebes ba ita nia isin, bele mos halo ita matan delek wainhira exposta, wainhira ahi han ita lahare (incolor). Ne’e hanesan informasaun badak deit konaba metanol.

Okaziaun ida ne'e hanesan oportunidade ida ba hau maibe sai mos dezafiu boot ida nudar pesquizador. Hare fali ba konseitu moris nian, hau ema nebe gosta hasoru dezafiu, liu husi dezafiu mak ita aprende liu tan. Hanoin didiak mos, metodu hanesan ne’e hau bele implementa mos iha Timor loron ida mai, se mak hatene, se karik iha oportunidade ida mai hau.

Metodu ne’e bele mos aplika iha kontrole kualidade ba Tua-sabu, liu-liu iha ita nia nasaun nebe laiha fiskal no análise konaba kualidade bebida nian. Kualidade hahan nian garante isin diak ba konsumidor hotu!

 

Hakuak boot ba imi hotu!

 

Voltar

Procurar no site

Foto utilizada com a permissão da Creative Commons owinter86  proprietariu kimika