Prepara solusaun NaOH 0,100 mol/L

Ba dauluk, kalkula massa molar NaOH (massa atomiku husi Na = 23; O = 16; no H = 1) hanesan tuir mai nee;

Mr NaOH = 1 x 23 + 1 x 16 + 1 x 1

                 =   40

Aliende massa molar ida ne'e, tenki hatene mos konaba volume hira mak sei uja (volume balaun volumetriku) atu prepara solusaun ida ne'e. Ho informasaun hirak nebe iha, bele kalkula massa NaOH hira mak sei tetu hodi prepara solusaun liu husi formula tuir mai ne´e;

                 m

C         =--------

               Mr x V

                 m

0,100 = --------

             40 x 1 L

m     = 4 grama

Entaun, massa nebe presija hodi halo solusaun NaOH 0,100 mol/L mak 4 gramas.

Iha experimentu bain-bain, karik ita konsidera kalkulu ida ne'e maibe iha buat balun mos ita presija kalkula mos molok atu prepara solusaun ida ne'e, mak hanesan hare pureza no impureza husi NaOH rasik. Informasaun konaba pureza no impureza, bele hetan iha label ka marka iha botir ka fatin substansia nebe refere, iha exemplu ida ne'e NaOH 97%.

Kalkulu pureza NaOH bele hetan ho maneira hanesan tuir mai ne´e;

4 gramas = 97 %

X               = 100 %

--------------------------

X               = 4,12 gramas

Ho rejultadu husi kalkulu pureza, bele hatene katak massa NaOH nebe presija atu tetu hodi halo solusaun NaOH 0,100 molL^-1 mak 4,12 gramas. Entaun, ho kalkulu ida ne'e mos fo esplika mai ita katak 0,12 gramas ne'e husi impureza.