Oinsa fase no deskontamina vidraria husi foer

01-08-2010 02:22
Ida ne'e hanesan dika ida ba maluk hirak nebe servisu iha laboratoriu kimiku nian, liu-liu wainhira uja vidraria hirak ne'e atu hala'o experimentu ruma nebe  utiliza ekipamentu sensível mak rezulta erro analitika nebe interfere rezultado husi experimentu ne'e rasik no dala barak erro analitika ida ne'e mai husi kontaminasaun vidraria no preparasaun amostra molok hala'o ensaiu iha laboratoriu. Dika ida ne´e uja liu-liu ba experimentu kimika modernu nebe utiliza vidraria ba atividade analiz kromatografia, RMN, adsorsaun atomika no seluk tan.
Atu deskontamina vidraria entaun uluk nanain, hafahe vidraria hirak nebe volumetriku no la'os volumetriku. Tamba vidraria hirak nebe la'os volumetriku sei liu husi prosesu sekajem iha stufa maibe ida seluk sei la liu husi prosesu ida ne'e tamba ita bele deskalibra vidraria hirak nebe volumetriku.
Vidraria volumetriku mak hanesan vidraria nebe ho ninia marka volume fiksu no graduadu. Exemplu; Balaun volumetriku, pipeta volumetriku, bureta no seluk tan.
Sistema limpeja ba vidraria hirak ne'e mak hanesan tuir mai ne'e;
  1. Koloka vidraria foer hirak ne'e iha sabaun bem ho tempu minimu, oras 24 nia laran.
  2. Hasai vidraria hirak ne'e husi sabaun bem no fase ho be torneira dala barak hodi hasai sabaun iha vidraria.
  3. Koloka iha solusaun acidu 10 % hanesan solusaun HNO3/ HCl / H2SO4 durante oras 36 nia laran hodi deskontamina husi materia organiku (Asidu  sei hamate ka oho materia organiku).
  4. Liu husi procesu asidu, fase ho be destilada ka ultrapura dala barak hodi hasai asidu iha vidrarias hirak ne'e.
  5. Ba dala ikus, fase ho solvente organiku ruma hanesan Asetona no  Hexano hodi hamaran vidrarias no deskontamina husi gordura nebe belit iha vidraria. Liu tiha etapa ida ne'e, bele koloka vidraria kimika nebe latama iha grupu volumetriku, iha estufa hodi hamaran.
Voltar

Procurar no site

Foto utilizada com a permissão da Creative Commons owinter86  proprietariu kimika