Extrasaun mina husi materia prima

Iha metodu oin-oin atu halo extrasaun mina ba naran matéria prima ida. Tipu extrasaun hirak nebe dala barak ema uja hodi hetan rendimentu mina ba matéria prima mak extrasaun fisika no kimika. Dala barak populasaun nebe hela iha area rural uja tipu extrasaun fisika hodi hetan rendimentu mina ida ne´e.

Iha Timor dala barak hanesan populasaun nebe hela iha distritu Baucau, Viqueque no Lospalos uja tipu extrasaun fisika hodi halo extrasaun mina husi nú isin. Extrasaun ba mina nú, nebe ida ne´e hanesan metodu tradisaun ida nebe povu bain-bain uja no hetan rendimentu mina nebe diak.

Konaba tipu extrasaun kimika, metodu ida nebe uja solvente organika mak hanesan hexano, metanol, etanol no seluk tan. Metodu ida ne´e dala barak hala´o iha laboratoriu hodi prepara kondisaun ba atividade peskija no iha fatin seluk, hala´o mos iha atividade industria balun mak hanesan industria biodiesel. Metodu extrasaun kimika nebe dala barak peskijador sira uja no komun mak extrasaun tipu soxhlet, tipu extrasaun ida ne´e hanesan tipu extrasaun ida nebe ho nia sistema simples liu.
Sasan nebe komplementa iha sistema ida ne´e mak hanesan tuir mai ne´e;

Liu husi sistema extrasaun soxhlet ida ne´e bele hetan rendimentu mina nebe diak. Atu hetan mina ho rendimentu maximu, sistema ida ne´e tenki la´o durante horas neen nia laran. Sistema soxhlet ida ne´e bazeadu ba akordu husi metodu ofisial IUPAC, nebe uja procedimentu ida ne´e hodi halo extrasaun ba mina nebe prepara ba produsaun biodiesel.