Experimentu asidu-baze

23-02-2011 22:46

Ba maluk hadomi nain kimika, tantu mestri no alunu dala barak iha difikuldade atu halo experimentu kimika ruma maske buat simples ida. Bai-bain ema hotu hanoin katak atu halo experimentu ida presiza substansia no sasan kimika nebe gasta osan barak maibe tuir lolos lae. Tuir mai maluk hadomi nain kimika sira bele aproveita prosedimentu simples konaba asidu-baze nebe bele halo, uja material nebe fasil hetan iha nebe deit.

Material sira ne'e mak hanesan;

  • Sana
  • Kanuru
  • Fugaun
  • Ai-kose
  • Kopu
  • Bee
  • Repoilu (Kor mean), uja repoilu been nebe sai hanesan indikador asidu-baze
  • Tua-sin
  • Sampoo
  • Soda (Bicarbonato de Sódio)
  • Omu (Soklin)
  • Derok been
  • Manu-tolun nia mutin

Prosedimentu;

  1. Ba dauluk, nono bee iha sana husik sai nakali no koa repoilu halo kiik oan hafoin tau tan ba bee manas ne'e, husik durante minutu 10. Hasai tiha repoilu tau repoilu been iha kopu ida.
  2. Prepara kopu 6 seluk nebe sei uja atu tau tua-sin, sampoo, soda, omu, derok been no manu-tolun nia mutin iha kopu ketak-ketak.
  3. Iha kopu hamutuk 6 nebe prepara ona, sei ense bee 10 ml iha kada kopu hirak ne'e.
  4. Foti kopu nebe tau repoilu been, adisiona ho volume 5 ml iha kada kopu 6 ne'e.
  5. Observa saida mak akontese wainhira adisiona repoilu been ne'e.

Ho koor iha kopu nebe sei muda an wainhira adisiona repeoilu been nebe hanesan indikador, maluk sira sei deskobre ida nebe mak hanesan asidu no Baze. Hein katak informasaun badak ne'e bele ajuda maluk hadomi nain kimika.

Voltar

Procurar no site

Foto utilizada com a permissão da Creative Commons owinter86  proprietariu kimika